كشف الفنان عمرو يوسف تفاصيل أول مشهد جمعه بالفنان الكبير الراحل نور الشريف في مسلسل “الدالي”، وذلك خلال استضافته في إحدى حلقات برنامج “بودكاست فضفضت أوي” المعروض عبر منصة “Watch It”.
بدأت أحس بتوتر بسيط
وقال عمرو يوسف إنه شعر بتوتر شديد ورهبة كبيرة أثناء وقوفه لأول مرة أمام نور الشريف، حتى أنه فقد القدرة على الحديث، موضحًا: “قبل المشهد بدأت أحس بتوتر بسيط، وقبل ما نبدأ بثلاث دقايق كنت مذاكر ومفيش أي حاجة.
وتابع: فجأة لقيت ضربات قلبي خفيفة ومش فاهم مالي، ولما بدأت أقول الكلام مطلعش ليّا صوت، ولقيت نفسي بعرق رغم إن علاقتي بأستاذ نور كانت كويسة، وكنا عاملين بروفات تربيزة لفترة طويلة”.
عملت المشهد
وأضاف: “لما جيت أمثل قدامه، الكلام راح مني خالص، فقلت له معلش هدخل الحمام دقيقة واحدة دخلت الحمام وبصيت في المرايا وهزّأت نفسي، وقلت لنفسي في إيه مالك! وبعدها غسلت وشي ورجعت عملت المشهد.
وأكمل وبعد دقيقتين أو تلاتة فاجئني أستاذ نور بذوقه الشديد وقال لي: إحنا جاين بكرة وممكن نصوره بكرة مش لازم النهارده الراجل ده كان استثنائي جدًا”.
موقف صادم مع إحدى المعجبات
وفي سياق آخر، تحدث عمرو يوسف عن موقف غريب تعرض له مع إحدى المعجبات، حيث أوضح أنها كانت ترسل له رسائل مليئة بكلمات رقيقة ومنمقة، لكنها انقلبت تمامًا بعد زواجه، وقال: “كانت بتبعت لي رسايل رومانسية بلغة عربية حلوة جدًا ومش عارف بتجيب الكلام ده منين، أحلى كلام ممكن يتقال في العالم.
وواصل، لكن أول ما اتجوزت، فوجئت بيها بتشتمني بألفاظ صعبة، وشتمت كندة كمان، وعمري ما رديت عليها حتى لما شتمتني”.